-8.91c
Երեվան
երք, հնվ 21
Միացեալ Նահանգներու ընտրուած նախագահ Տանըլտ Թրամփ խոստացած է հրապարակել Միացեալ Նահանգներու 35-րդ նախագահ Ճոն Քենետիի, ինչպէս նաեւ Խաղաղութեան Նոպէլեան մրցանակի դափնեկիր Մարթին Լիւթեր Քինկի սպանութիւններու մասին գաղտնի նիւթերը, կը տեղեկացնէ «Արմէնփրէս»-ը։
«Առաջիկայ օրերուն մենք կը պատրաստուինք հանրայնացնել նախագահ Ճոն Քենետիի, անոր եղբայր Ռոպերթ Քենետիի, ինչպէս նաեւ դոկտոր Մարթին Լիւթեր Քինկ Կրտսերի սպանութիւններու եւ հանրային մեծ հետաքրքրութիւն ներկայացնող այլ թեմաներու մասին մնացած գրառումները։ Այդ ամէնը պիտի հանրայնացուի», -ըսած է ան յունուար 19-ին, Ուաշինկթընի Capital One Sports Arena-ի մէջ իր կողմնակիցներու առջեւ տեղի ունեցած հանրահաւաքին։
Թրամփի երդմնակալութիւնը տեղի պիտի ունենայ յունուար 20-ին։
Միացեալ Նահանգներու 35-րդ նախագահ Ճոն Քենետին սպանուած է 1963 թուականին, իսկ Մարթին Լիւթեր Քինկը եւ Ռոպերթ Քենետին՝ 1968 թուականին։
