24.09c
Երեվան
շբթ, օգս 16
Վերջերս ընկերային ցանցերու մէջ տարածուած է այն, որ՝ ՀՄ «Սիփան» միութեան գրադարանը 10-ամեայ լռութենէ ետք վերաբացման կը պատրաստուի:
ՀՄ «Սիփան» միութեան պաշտօնական էջով հրապարակուած գրառման մէջ նշուած է.
«2025 թ.ի Մայիսի 18ից սկսուել է ՀՄ «Սիփան» միութեան «Պարոյր Սեւակ» գրադարանի աւելի քան 10 տարի դադարեցուած աշխատանքի վերաշխուժացման նախապատրաստութիւնը։ (Գրադարանում կը հանդիպենք) Շաբաթ առ Երեքշաբթի օրերին ժամը 16։30ից 20։30ը։ (Աշխատաքներն իրականացւում են) Ժիզէթ Տ. Օհանեանի, Լինէթ Խաչատրեանի ու Էլմինէ Շահիջանեանի նախաձեռնութեամբ»։
Սա մեր օրերին, յատկապէս, երբ անհատի համար՝ առօրեայից կտրուելու աւանդական թերթուող միջոցների փոխարէն նախընտրելի է մատն էկրանին (պաստառին) հպելով ժամանակ անցկացնել ընկերային ցանցերի վրայ աչք սառեցնելով:
Այնուամենայնիւ արձանագրենք, որ անկախ այն բանից, որ ընթերցող ես, թէ չես, հաւանաբար կարող ես լաւ զգալ թեհրանահայ հին գրադարաններից մէկի վերաբացմամբ։
ՀՄ «Սիփան» միութեան «Պարոյր Սեւակ» գրադարանը ժամանակին դասական հազուագիւտ ստեղծագործութիւններից մինչեւ նորաոճ գրականութիւնից բացի, ի շուրջ էր հաւաքել համայնքիս բանաստեղծ-գրողներին, ասմունքի սիրահարներին եւ պոէզիայի (բանաստեղծութեան) ընթերցումներով տարբեր խմբերին:
Յայտնի է նաեւ, որ «Պարոյր Սեւակ» գրադարանում կար 10 հազար անուն գիրք: Սա քաշով մէկ ոսկի արժեցող իրականութեամբ իրեն զգացնել էր տալիս միութեան ուսերին:
Իրավիճակը տնօրինելու համար միութեան ժամանակի վարչութեան որոշմամբ գրադարանի համար կանոնաւոր աշխատանքային ժամ է նշանակւում եւ գրադարանավար պաշտօնեայ է աշխատանքի հրաւիրւում:
Գրադարանում պահուող գրքերը ներառում էին մշակութային, գրական եւ հասարակական ոլորտների ուսումնասիրութիւններ եւ հայկական ստեղծագործութիւններ, ինչպէս նաեւ արուեստի, հնագիտութեան, քաղաքակրթութեան աղբիւրների, ազգագրական մասնագիտացուած պրակներ, վիճակագրութիւն եւ պարսկերէն հանրագիտարանների ոլորտում։ Իսկ յեղափոխական գրականութիւնը, ինչպէս նաեւ Առաջին Արցախեանի վերաբերեալ պատմող նիւթերի ու հրապարակումների հասցէն զբաղեցնում էր վերջին այցելուների ամենապահանջուած պահարանը:
Եթէ ցանկանում էք ծանօթանալ այս գրադարանին ու այնտեղ պարունակուող ստեղծագործութիւններին, ինչպէս նաեւ թիկունքում թաքնուած պատմութեանը, այս օրերին այցելէք գրադարան, որտեղ դեռ ընթանում են վերադասաւորման աշխատանքները, քանի որ այդ պահին է յիշւում ու յիշատակւում այն զրոյցներն ու յուշերը, որոնք դժուար թէ առանց համապատասխան պահարանն ու էջը թերթելու հնարաւոր լինի յիշելը։
«Սիփան»ի «Պարոյր Սեւակ» գրադարանը ձեզ կը հիացնի նաեւ յայտնի հեղինակների կողմից նուիրաբերուած ստեղծագործութիւնները։ Կան նաեւ որոշ աշխատանքներ, որոնք ունեն տեսողական գրաւչութիւն, ինչպիսիք են գեղարուեստական կազմերով հատորները, խճանկարային կազմերը եւ փաթեթաւորումները, կաշուէ կազմով հին գրքերը, գրքերի առաջին էջին ամրացուած գրպանիկներում ընթերցող օգտատէրերի թողած արձանագրութիւններ եւ այլն…
Գրադարանների կարեւորութեան մասին առհասարակ ասւում է, որ գրերի գիւտը մարդկային քաղաքակրթութեան մեծագոյն երեւոյթներից մէկն է, այնքանով, որ դրա ի յայտ գալը համարւում է մշակութային պատմութեան սկիզբ։ Գրերի միջոցով էր, որ մարդը կարողացաւ գրանցել իր գիտելիքներն ու արհեստը, իր մտքերը գրաւոր ձեւակերպել եւ, դրանք ապագային փոխանցելով, հարթել մարդկային քաղաքակրթութեան եւ մշակոյթի զարգացման ճանապարհը։
Գրերի գիւտից յետոյ մարդիկ օգտագործեցին բազմազան միջոցներ՝ իրենց ժամանակի նորութիւնները, գիտութիւնը եւ իրադարձութիւնները գրանցելու համար, ինչպիսիք են քարէ եւ կաւէ արձանագրութիւնները, պապիրոսը, կենդանիների կաշին ու ոսկորները, եւ վերջապէս թուղթը։ Այնուհետեւ նրանց անհրաժեշտ էին վայրեր ու կենտրոններ՝ այդ աշխատանքներն ու միջոցները մէկտեղելու եւ պահպանելու համար։ Այսպէս ձեւաւորուեցին առաջին գրադարանները։
Սա բոլորս էլ գիտէինք: Սակայն այն, ինչը չգիտենք, այդ մասին իմացել ենք՝ թուայնացուած աշխարհ մուտք գործելու ընթացքն է, որտեղ տեխնոլոգիաններն (արհեստագիտութիւնները) աւելի արագ են ընթանում, քան օգտագործելու մշակոյթն ու կեցուածքը:
Երեւի դրանով է բացատրուած նաեւ ընթերցանութիւնից կտրուելու կշռոյթի արագացումը:
Բարի երթ սիփանցիներին՝ «Պարոյր Սեւակ» գրադարանը վերագործարկելու աշխատանքներում:
«ԱԼԻՔ»
