13.09c
Երեվան
երկ, մյս 19
Վարչապետ Նիկոլ Փաշինեանի որոշումներով սահմանազատման եւ սահմանային անվտանգութեան հարցերով յանձնաժողովին կից ստեղծուած է երկու աշխատանքային խումբ։ Անոնցմէ մէկուն մէջ պիտի ներառուին Տաւուշի մարզի շարք մը համայնքապետեր, միւսին մէջ՝ Ազգային անվտանգութեան ծառայութեան (ԱԱԾ), Պաշտպանութեան նախարարութեան (ՊՆ) եւ Կադաստրի կոմիտէի պաշտօնեաներ։
Առաջին աշխատանքային խումբին մէջ, մասնաւորապէս, պիտի ընդգրկուին Տաւուշի մարզպետը, Նոյեմբերեան, Իջեւան համայնքներու ղեկավարները եւ Բաղանիս, Ոսկեպար, Բերքաբեր, Կիրանց գիւղերու վարչական ղեկավարները։ Վերջին երեք համայնքներէն նաեւ մէկական բնակիչներ պիտի ներառուին խումբին մէջ։
Աշխատանքային խումբերը ստեղծուած են «Բաղանիս (ՀՀ) – Բաղանիս Այրում (ԱՀ), Ոսկեպար (ՀՀ) – Աշաղը Ասկիպարա (ԱՀ), Կիրանց (ՀՀ) – Խեյրումլի (ԱՀ) եւ Բերքաբեր (ՀՀ) – Կըզըլ Հաջիլի (ԱՀ) բնակավայրերի միջեւ սահմանագծի համապատասխան հատուածներուն՝ տեղանքում գեոդեզիական չափումների արդիւնքում կոորդինատները յստակեցնելու եւ համապատասխան Արձանագրութիւն-նկարագրութեան նախագիծ կազմելու նպատակով»։
