17.09c
Երեվան
ուրբ, հկտ 09
Ատրպէյճան մտադիր չէ իրականացնել սահմանազատումը, հետեւաբար, այս գործընթացին համար անհրաժեշտ է դիմել միջազգային գործընկերներուն։ Այս մասին դիմատետրի իր էջին գրած է «Ապրելու երկիր» կուսակցութեան համահիմնադիր Մանէ Թանդիլեան։
«Շաքի գիւղում տեղի ունեցած ողբերգական միջադէպը, բազմաթիւ պատճառներից բացի նաեւ սահմանազատման բացակայութեան հետեւանքն է։
Արդէն երկու տարի է՝ ուժի մէջ է մտել Հայաստանի եւ Ադրբեջանի միջեւ սահմանազատման յանձնաժողովի գործունէութեան կանոնակարգը, սակայն սահմանի որեւէ հատուածում սահմանազատման աշխատանքներ չեն իրականացւում։
Մինչեւ կանոնակարգի հաստատումը, Տաւուշի հատուածում իրականացուած անօրինական սահմանազատումը նպատակ ունէր միայն կատարել Ադրբեջանի հերթական պահանջներ։
Սահմանի մնացած հատուածը սահմանազատելու դէպքում, ոչ միայն ադրբեջանական զօրքերը յետ են քաշուելու տարածքների մեծ մասից, այլ հնարաւոր կը լինի ունենալ նաեւ նորմալ սահմանային անվտանգութիւն՝ առաջին հերթին փշալարերի միջոցով։
Ակնյայտ է, որ Ադրբեջանը չի պատրաստւում իրականացնել սահմանազատում, հետեւաբար, անհրաժեշտ է այս գործընթացի համար դիմել միջազգային գործընկերներին՝ աջակցելու սահմանազատման արագ իրականացմանը՝ որպէս երկու երկրների կողմից ստանձնած պարտաւորութիւն»,- նշած է ան։
