4.09c
Երեվան
հնգ, փտր 26
Ռուսական խաղաղապահ զօրակազմը կը շարունակէ ապահովել բեռերու փոխադրումը Լեռնային Ղարաբաղի մէջ՝ Ատրպէյճանի վերահսկողութեան անցած տարածքներու միջեւ: Այս մասին կը յայտնէ ՌԴ ՊՆ մամուլի ծառայութիւնը:
«Ընկերային կառոյցներու եւ բնակելի տուներու ուժանիւթի ապահովման եւ ջրամատակարարման համակարգերու վերականգնման նպատակով Մարդասիրական արձագանգման ռուսական կեդրոնի 11-րդ շարասիւնը՝ կազմուած «ԿամԱԶ» մակնիշի 15 զինուորական եւ ուղեկցող մեքենաներէ, 80 թոն բեռ հասցուցած է Քելբաջարի (Քարվաճառ) շրջան՝ անցնելով Ստեփանակերտ-Մատաղիս-Քարվաճառ երթուղիով»,- ըսուած է ՌԴ ՊՆ տեղեկագիրին մէջ:
Ընդհանուր առմամբ, ռուս խաղաղապահներու աջակցութեամբ աւելի քան 1600 թոն բեռ փոխադրուած է: Աջակցութիւնը տրամադրուած է ատրպէյճանական կողմին:
