-2.91c
Երեվան
կրկ, դկտ 28
Լաչինի միջանցքով մեքենաներու անխոչընդոտ անցումը վերականգնելու եւ միջանցքի նպատակային օգտագործման փաստը հաստատելու հարցը քննարկուած է այսօր՝ 1 մարտին, Ատրպէյճանի Հանրապետութեան, Լեռնային Ղարաբաղի Հանրապետութեան ներկայացուցիչներու եւ Ռուսիոյ Դաշնութեան խաղաղապահ զօրախումբի հրամանատարի եռակողմ հանդիպման:
Այս մասին «Արցախփրէս» լրատուական գործակալութեան տեղեկացուցած են Արցախի մէջ տեղակայուած խաղաղապահ զօրակազմի հրամանատարութիւնէն։
Կողմերը քննարկած են նաեւ ելեկտրամատակարարման եւ կազի անխափան մատակարարման հարցերը։
Բացի այդ, հանդիպման ծիրին մէջ քննարկուած է Տրմպոնի եւ Քաշենի հանքավայրերու մէջ ատրպէյճանական կողմի ներկայացուցիչներու կողմէն շրջակայ միջավայրի մշտադիտարկման հնարաւորութիւնը։
Պայմանաւորուածութիւններ ձեռք բերուած են հետագայ համագործակցութեան վերաբերեալ՝ լարուածութեան նուազեցման եւ տարածաշրջանի խաղաղ կեանքի հաստատման ուղղութեամբ։
