image
Հրատապ լուրեր:

Ռայիսի եւ Էրտողան անդրադարձած են Հարաւային Կովկասի թեմային

Ռայիսի եւ Էրտողան անդրադարձած են Հարաւային Կովկասի թեմային

Իրանի եւ Թուրքիոյ տնտեսական համագործակցութեան գերագոյն խորհուրդի 7-րդ նիստի ընթացքին քննարկուած են երկկողմ առեւտրատնտեսական յարաբերութիւններու խորացման, այդ շարքին՝ Իրանի մէջ թրքական ընկերութիւններու ներդրումներու աւելացման, դէպի Թուրքիա իրանեան գիւղատնտեսական ապրանքներու արտահանման աւելացման, տարանցման, դրամատուներու ոլորտներու մէջ համագործակցութեան զարգացման, Թուրքմենստանի, Իրանի ու Թուրքիոյ միջեւ կազի մատակարարումներու, Խոյ-Վան ելեկտրահաղորդման գիծին մէջ 200 միլիոն տոլարով թրքական ներդրումներու աւելացման, մշակոյթի ոլորտի մէջ համագործակցութեան հարցեր:

Իրանեան լրատուամիջոցներու հաղորդմամբ՝ նշուած ոլորտներու մէջ համագործակցութեան վերաբերեալ նաեւ ստորագրուած է 10 փաստաթուղթ:

Ռեճէպ Էրտողանի հետ ասուլիսի ժամանակ Իպրահիմ Ռայիսին յայտարարած է, որ Իրանն ու Թուրքիան յարաբերութիւններու զարգացման լայն հնարաւորութիւններ ունին: Անոր խօսքով՝ առեւտրաշրջանառութեան ծաւալները պէտք է հասցնել 30 միլիառ տոլարի:

Կողմերն անդրադարձած են Կազայի հատուածին մէջ տիրող իրավիճակին: Կողմերը նաեւ ընդգծած են, որ կը յարգեն Սուրիոյ եւ Իրաքի տարածքային ամբողջականութիւնն ու ինքնիշխանութիւնը: Անդրադարձ եղած է Հարաւային Կովկասին:

«Երկու երկիրները, ընդգծելով Կովկասի մէջ երկիրներու տարածքային ամբողջականութեան յարգման անհրաժեշտութիւնը, տարածաշրջանային «3+3» հարթակը գնահատած են որպէս անդամ երկիրներու միջեւ կառուցողական համագործակցութեան ու երկխօսութեան համար յարմար հարթակ»,- նշուած է երկկողմ յայտարարութեան մէջ:  

Անդրադարձ կատարուած է նաեւ Ուքրանիոյ, Աֆղանստանի եւ Եմէնի մէջ իրադրութեան: