15.97c
Երեվան
ուրբ, մրտ 14
Մարտին- («Տէյլի Սապահ»- Պոլիս)-Թուրքիա- Ուրբաթ օր PKK-ի 8 անդամներ անձնատուր կ'ըլլան եւ առնուազն 15-ը կը սպաննուին Թուրքիոյ հարաւ-արեւելեան Մարտին գաւառին մէջ: Այս դէպքի մասին կը տեղեկանանք «Տէյլի Սապահ»էն: Ըստ աղբիւրին, սպաննութիւնը տեղի ունեցած է «Նուսայպին»ի շրջանի գաւառներէն ներս Թուրքիոյ անվտանգութեա ուժերու իրականացուցած գործողութեան ընթացքին, որոնք Նոյեմբերի 31-ին պարէտային ժամ յայտարարումէն ի վեր կը շարունակէին PKK-ի դէմ իրենց հետապնդումները: Անվտանգութեան ուժերուն յանձնուող PKK-ի 8 քիւրտ մարտիկներէն մէկը Շըրնաք նահանգէն է, միւսը՝ Հաքքարէն, իսկ երրորդը՝ Շանլըուրֆաէն :
Նոյն աղբիւրէն կը տեղեկանանք նաեւ, որ նշեալ շրջաններու բնակչութիւնը կը տառապի ելեկտրական հոսանքի անջատման եւ ջուրի կրճատումներու տագնապէ, որ սկսած էր պատճառուած վնասի մէջ PKK-ի դէմ եղած կասկածանքի պատճառով:
Թուրքիոյ մէջ PKK-ի դէմ վերանորոգուած բռնութիւնը կու գայ որպէս արդիւնք Յուլիս 20-ի Սուրուջի մէջ գործադրուած անձնասպանական պայթումին, որ մեծ քանակութեամբ զոհեր արձանագրեց, եւ որու մէջ մեղադրուեցաւ Տահէշը, ինչպէս նաեւ PKK-կողմէ երկու ոստիկաններու` իրենց տուներէն ներս սպաննութեամբ, եւ այս ամէնը բռնութիւններու նոր ալիքի մը սկիզբ տուաւ երկրին մէջ:
Թուրքական կառավարութիւնը, Յուլիս 22-էն սկսեալ, որպէս արձագանք PKK-ի կողմէ իրականացուած այդ յարձակումներուն, աշխուժացուցած է իր գործողութիւնները անոնց դէմ եւ սպաննած 2000-է աւելի (PKK)-ի անդամներ:
Ըստ «Տէյլի Սապահ»ի, (PKK)-ի քիւրտ զինեալները Թուրքիոյ դէմ ահաբեկչական յարձակումները վերսկսումէն ի վեր սպաննած է աւելի քան 120 անվտանգութեան աշխատակից եւ տասնեակ քաղաքացիներ, Յունիս 7-ի ընդհանուր ընտրութիւններէն ետք, նեցուկ կանգնելով Քրտամետ Ժողովուրդներու Դեմոկրատական Կուսակցութեանը (HDP), որ յաջողեցաւ ընտրութիւններու 10 տոկոսի շէմը անցնիլ:
PKK-ն, որ կազմուած օրէն (1978) մինչեւ 2000 թ.-ի սկիզբները թրքական պետութեան դէմ քրտական անկախ պետութիւն ստեղծելու համար պայքարած, այնուհետեւ իր պահանջքը վերածած է գերազանցապէս քրտաբնակ գաւառներէն ներս ինքնավար մարզի ստեղծման, ԱՄՆ-ի, Եւրոմիութեան եւ Թուրքիոյ կողմէ ընդունուած է, որպէս ահաբեկչական կազմակերպութիւն:
