13.09c
Երեվան
հնգ, փտր 26
Պաքուն բարձր կը գնահատէ Եւրոպական միութեան աջակցութիւնը տարածաշրջանին մէջ խաղաղութեան եւ կայունութեան հաստատման, Հայաստանի հետ խաղաղութեան գործընթացի շուրջ բանակցութիւններուն, սակայն Պորելի յայտարարութիւնը ափսոսանք կ'առաջացնէ:
Այս մասին յայտարարած է Ատրպէյճանի Արտաքին գործոց նախարարութիւնը՝ արձագանգելով Եւրոպական միութեան արտաքին քաղաքականութեան եւ անվտանգութեան հարցերով բարձր ներկայացուցիչ Ժոզեփ Պորելի յայտարարութեան առ այն, որ «Ատրպէյճանի իշխանութիւններու պարտականութիւնն է երաշխաւորել անվտանգութիւնն ու ազատ տեղաշարժը Լաչինի միջանցքով եւ Աղտամ (Ակնա) քաղաքով ապրանքներ տեղափոխելու Պաքուի պատրաստակամութիւնը պէտք չէ դիտարկուի որպէս Լաչինի միջանցքի վերաբացման այլընտրանք»:
«Պաքուն բարձր կը գնահատէ Եւրոպական միութեան աջակցութիւնը տարածաշրջանին մէջ խաղաղութեան եւ կայունութեան հաստատման, Հայաստանի հետ խաղաղութեան գործընթացի շուրջ բանակցութիւններուն: Այնուամենայնիւ, ափսոսանք կ'առաջացնէ տարածաշրջանին մէջ ստեղծուած իրավիճակի վերաբերեալ 26 յուլիսի յայտարարութեան մէջ Եւրոմիութեան արտաքին յարաբերութիւններու եւ անվտանգութեան քաղաքականութեան հարցերով բարձր ներկայացուցիչ Ժոզեփ Պորելի մօտեցումը, որ հիմնուած է հայկական կողմի «կեղծ քարոզչութեան եւ քաղաքական շահարկումներու» վրայ»,-ըսած է Ատրպէյճանի րտաքին գործոց նախարարութեան խօսնակ Այխան Հաճիզատէն։
