-0.91c
Երեվան
չրք, հնվ 15
(Թուրքիա-«Տէյլի Սապահ»-Անգարա) Ըստ «Տէյլի Սապահ»ին, PKK-ի մէկ անդամը ձերբակալուած է խնդրահարոյց դայլայլներու (Թուիթներու) համար, զորս կատարած էր նախքան Անգարայի ահաբեկչկական պայթումը: Սէրհադ Փոլադսոյ, որ անդամ PKK-ին, իր թուիթին պատճառով ձերբակալուած է Չորեքշաբթի օր: Ձեռքի «@DrBereday»-ով ուղարկուած թուիթը կ'ըսէր, «Ռումբ պիտի պայթի Անգարայի մէջ» եւ որպէս հետեւանք անոր գրառման Թուրքիոյ մէջ տարաձայնութիւնները աշխուժացած են: Դէպքը կը պատահէր ISIS-ի հետ կապ ունեցող մահապարտ Եուսուֆ Էպրէ Ալակոյզի ռումբ պայթեցնելու ահաբեկչական գործողութենէն 9 ժամ առաջ:Ըստ աղբիւրին, ապահովական ուժերը կրցած են ձերբակալել Փոլադսոյը, ան եւ ան PKK-ի հետ կապ ունեցած է 1997 թուականէն ի վեր: Ան 2013-ին կրկին ձերբակալուած էր Շանլըուրֆայի մէջ հակա-ահաբեկչական գործողութեան մը ընթացքին, երբ տասը քիլոկրամ պայթուցիկ TNT, ձեռնառումբեր եւ այլ կրակող զէնքեր առգրաւուեցան: Բանտարկուած էր 2013-2014 ի միջեւ: Փոլադսոյ ամբաստանուեցաւ, որպէս անդամ ահաբեկիչ կազմակերպութեան եւ անոր գովազդողը: Թերթը կ'եզրակացնէ թէ, արդի Թուրքիոյ պատմութեան ամենաշատ կեանքեր հնձող յարձակումը կազմակերպուած էր երկու կասկածելի մահապարտներու կողմէ, ձախակողեան բազմութեան մէջ, քրտամէտ եւ միացեալ աքթիւիստներու խաղաղ ցոյցին ընթացքին: Երկաթուղիի գլխաւոր կայարանին մօտ յարձակումներուն որպէս արդիւնք, փռուած էին մահացած ցուցարարներուն մարմինները եւ զոհերուն թիւը հասած էր 102-ի:
