7.09c
Երեվան
երկ, փտր 23
Միջազգային հանրապետական հիմնարկի (IRI) հրապարակած հարցման արդիւնքներով` ՀՀ վարչապետի պաշտօնակատար Նիկոլ Փաշինեանը Հայաստանի մէջ կը շարունակէ մնալ ամենաբարձր վարկանիշ ունեցող քաղաքական գործիչը:
Հարցին, թէ ինչ կարծիք ունին Նիկոլ Փաշինեանի մասին, հարցուածներու 16 տոկոսը գնահատած է «շատ բարենպաստ», իսկ 29 տոկոսը՝ «բարենպաստ»։
Ազգային ժողովի նախագահ Արարատ Միրզոյեանի նկատմամբ վերաբերմունքը հարցուածներու 5 տոկոսը գնահատած է «շատ բարենպաստ», իսկ 35 տոկոսը «բարենպաստ», ՀՀ փոխվարչապետի պաշտօնակատար Տիգրան Աւինեանի նկատմամբ վերաբերմունքը 3 տոկոսը գնահատած է «շատ բարենպաստ», իսկ 27 տոկոսը «բարենպաստ», ՀՀ նախագահ Արմէն Սարգսեանի նկատմամբ` 3 տոկոսը «շատ բարենպաստ», իսկ 25 տոկոսը «բարենպաստ»։
Ընդդիմադիր գործիչներէն ՀՀ երկրորդ նախագահ Ռոպերթ Քոչարեանի նկատմամբ վերաբերմունքը 5 տոկոսը գնահատած է «շատ բարենպաստ», իսկ 15 տոկոս «բարենսպաստ»։
Հարցումը իրականացուած է Միջազգային հանրապետական հիմնարկի Խոր վերլուծութեան կեդրոնի պատուէրով՝ Հետազօտական միջոցներու կովկասեան կեդրոններ- Հայաստան հիմնադրամի կողմէ:
Հետազօտութեան տուեալները հաւաքուած են 8 ապրիլի 2021-էն 4 մայիսի միջակայքը: Հարցման ընտրանքը կազմած է 1502 մարդ:
Հայաստանի 5 մարզերու՝ Արարատի, Գեղարքունիքի, Շիրակի, Սիւնիքի եւ Տաւուշի մէջ կատարուած են 299 լրացուցիչ հարցազրոյցներ՝ մարզային առանձնայատկութիւնները ներկայացնելու համար: Հարցումը տրուած է հեռախօսային զանգերու միջոցով՝ պատահական ընտրանքով: Հետազօտութիւն իրականացնողները նշած են, որ վիճակագրական սխալի չափը չի գերազանցեր 2.5 տոկոսը:
Լուրը՝ «Արմէնփրէս»-էն
