5.09c
Երեվան
շբթ, դկտ 21
Պլենհայմեան պալատին մէջ տեղի ունեցած է վարչապետ Նիկոլ Փաշինեանի հանդիպումը Գերմանիոյ վարչապետ Օլաֆ Շոլցի հետ, յայտնած են ՀՀ կառավարութեան մամուլի ծառայութենէն:
Զրուցակիցները կարեւորած են Հայաստանի եւ Գերմանիոյ միջեւ քաղաքական ու տնտեսական համագործակցութեան հետեւողական զարգացումն ու այդ ուղղութեամբ հետեւողական քայլերու իրականացումը:
Անդրադարձ կատարուած է Հայաստանի եւ Ատրպէյճանի միջեւ խաղաղութեան գործընթացին: Վարչապետ Փաշինեան ներկայացուցած է հայկական կողմի սկզբունքային դիրքոշումները սահմանազատման գործընթացի, տարածաշրջանային ենթակառուցուածքներու ապաշրջափակման հնարաւորութիւններու վերաբերեալ:
Քննարկուած են Լեռնային Ղարաբաղէն բռնի տեղահանուած անձանց մարդասիրական խնդիրներուն եւ ատոնց լուծման քայլերուն վերաբերող հարցեր: Փաշինեան մանրամասնութիւններ ներկայացուցած է այդ ուղղութեամբ ՀՀ կառավարութեան իրաականացուցած եւ յառաջիկային նախատեսուող երկարաժամկէտ ծրագրերու, այդ շարքին՝ բնակապահովման ծրագրի վերաբերեալ: Բռնի տեղահանուածներու կարիքները հասցէագրելու գործին մէջ կողմերը կարեւորած են նաեւ միջազգային հանրութեան շարունակական աջակցութիւնը:
Զրուցակիցներն անդրադարձած են նաեւ Հայաստան-Եւրոպական միութիւն համագործակցութեան հետագայ զարգացման:
