5.09c
Երեվան
կրկ, դկտ 22
Հայ կաթողիկէ Մեսրոպեան բարձրագոյն վարժարանի 7-րդ դասարանի աշակերտները կը մասնակցին Պէյրութի Սեն Ժոզէֆ համալսարանի՝ «Աշակերտ Բանակցողներ» (Elèves médiateurs) անունով յատուկ կրթական ծրագիրին, որուն նպատակն է պատանիները վարժեցնել տագնապներու լուծման (Conflict Resolution) եղանակներուն եւ սկզբունքներուն: Այս մասին կը տեղեկացնէ Հայ Կաթողիկէ Մեսրոպեան բարձրագոյն վարժարանի տեղեկատուական գրասենեակը:
Ցարդ Մեսրոպեանի աշակերտները ամբողջացուցած են վարժողական 10 դասապահ՝ դպրոցէն ներս: Յետագային կը նախատեսուին եւս չորս դասապահեր՝ Լիբանանի բազմաթիւ դպրոցներէն ընտրուելիք լաւագոյն 25 աշակերտներուն համար:
Ինչպէս կը նշէ աղբիւրը, Մեսրոպեանի տնօրէնութիւնը ընթացք տուած է սոյն ծրագրի գործադրութեան, կրթական առօրեայ աշխատանքներուն կողքին աշակերտներուն համար բազմակողմանի զարգացում ապահովելու նպատակով:
