-1.91c
Երեվան
չրք, դկտ 31
Լիբանանի ողջ տարածքին պէնզին վաճառող կայարանները այսօր յետմիջօրէի ժամերէն սկսեալ փակած են իրենց դռները։
«Արեւելք»ի տուեալներով կայարանները փակ պիտի պահեն իրենց դռները մինչեւ յառաջիկայ երկուշաբթի օր, երբ կառավարական մարմիններ պէնզինի նոր սակագիններ հրապարակուին։
Նշենք նաեւ, որ անցնող առնուազն երեք շաբաթներուն ընթացքին Լիբանանցի քաղաքացիներ ստիպուած կ՚ըլլային երկար հերթեր պահել պէնզին գնելու համար, իսկ կայարանի տէրեր ստիպուաղ էին ամենաքիչ քանակութեամբ պէպզին վաճառել, մեծ քանակութեամբ մարդոց պէտքերը հոգալու համար։
Մինչ 2019 թուականին ընթացք առած ժողովրդային ցասման փուլը, Լիբանանի մէջ պէնզինը կը վաճառուէր 30 հազար լիբանանեան ոսկիի, իսկ այս օրերուն պէնզինի սակն է 47 հազար լիբանանեան ոսկի է։
Կը նախատեսուի, որ պետութեան կողմէ ֆինանսական նեցուկին վերացումով պէնզինը վաճառուի մինչեւ 80 հազար լիբանանեան ոսկիի, նկատի առնելով տոլարի սակին մագլցումը եւ միւս կողմէ ալ լիբանանեան ոսկիի արժեզրկումը։
