4.09c
Երեվան
կրկ, դկտ 22
Պէյրութի մէջ գումարուած է Սոցիալ Դեմոկրատ Հնչակեան Կուսակցութեան 55-րդ պատգամաւորական ժողովը: Այս մասին վերահասու կը դառնանք կուսակցութեան Պէյրութի օրկան «Արարատ»էն: Ըստ հաղորդագրութեան, ժողովին Ս.Դ.Հ.Կ. Կեդրոնական Վարչութեան կողմէ մասնակցութիւն բերած են, փոխ ատենապետ պետական երեսփոխան Տիար Սեպուհ Գալփաքեան եւ տօքթ. Եղիկ Ճէրէճեան: Ժողովականները, քննարկելէ ետք կուսակցութեան անցեալ շրջանի գործունէութիւնը, վերահաստատած են լիբանանեան եւ ազգային քաղաքականութեան մէջ անցեալի ուղղութիւնը, որն է` կառչած մնալ Լիբանանի գերիշխանութեան անկախութեան եւ պետականութեան սկզբունքներուն: Ազգային գետնի վրայ ժողովը որոշած է, որ կուսակցութիւնը շարունակէ մնալ միասնականութեան եւ համագործակցութեան ջատագովը: Ժողովը ընտրած է նոր Վարիչ Մարմին, ատենապետութեամբ` Տիար Կիրակոս Թիւթիւնճեանի:
