3.09c
Երեվան
ուրբ, փտր 27
Արցախի յանձնաժողովի ստեղծումը հնարաւորութիւն է ամէնօրեայ աշխատանքի յանուն Արցախի։ Այս մասին 6 օգոստոսին, Ազգային ժողովի նիստի ժամանակ յայտարարած է «Հայաստան» դաշինքի պատգամաւոր Արամ Վարդեւանեանը։
«Նժարի վրայ դրած է երկու հարց՝ առողջապահութեան եւ Արցախի հարցերով զբաղող մշտական յանձնաժողովների։ Ես կարծում էի, որ սա այն քիչ դէպքերից է, որ մենք ոչ թէ պէտք է բոցաշունչ ելոյթներ ունենանք, այլ բացառիկ համաձայնութիւն։ Պատգամաւորներն ասում են՝ ոչ, չպէտք է ունենանք մշտական յանձնաժողով, որովհետեւ պէտք է լինի առողջապահական հարցերի յանձնաժողով։ Իսկապէ՞ս։ Նոյեմբերի 9-ի արհաւիրքից յետոյ բոլորին է պարզ, որ անհրաժեշտ է Արցախի հարցերով զբաղող յանձնաժողով ամէնօրեայ աշխատանքի համար, որովհետեւ միջխորհրդարանական ձեւաչափը, որը տարին երկու անգամ հանդիպում է նախատեսում, փոխուել է։ Ի վերջոյ, Հայաստանի նորագոյն պատմութեան մէջ մենք առաջին անգամ ունենք իրավիճակ, որ Հայաստանի Հանրապետութեան ամենաբարձր պաշտօն ունեցող անձը հոկտեմբերի ամսից չի եղել Արցախի Հանրապետութիւնում»,- նշած է Վարդեւանեանը։
