15.09c
Երեվան
ուրբ, ապր 25
Սէուտական Արաբիոյ թագաւորական դիւանը յայտարարած է երկրի Ազգային անվտանգութեան եւ հետախուզական ծառայութիւններու նախկին պատասխանատու Պանտար Պըն Սուլթանի այցը նշուած մարմիններու ուսումնասիրութիւններու եւ լրատուութեան կեդրոն:
Թագաւորական դիւանի խորհրդական Սէուտ Ալ Քահթանի իր թուիթըրեան էջին անդրադարձ կատարած է Պըն Սուլթանի «խրախուսական հայրական խօսք»ին, զոր գրանցած է պատուաւոր այցելուներու գրքոյկին մէջ, շեշտելով, որ այն հպարտութեան առիթ է բոլորին համար:
12 ժամեայ այցելութեան ընթացքին Պըն Սուլթան դիմաւորուած է թագաւորական դիւանի նախագահ Խալէտ Իսայի կողմէ, որուն ընթացքին 4 ժամ տեւողութեամբ դասախօսութիւն կարդացած է քաղաքականութեան եւ անվտանգութեան շուրջ:
Նշենք, որ Պանտար Պըն Սուլթան երկու տասնամեակէ աւելի զբաղեցուցած է ԱՄՆ-ի մօտ Սէուտական Արաբիոյ դեսպանի պաշտօնը, եւ 2015 թուականի սկիզբը թագաւորական հրամանով հեռացուած է հետախուզական ծառայութեան պետի պաշտօնէն:
Յիշեցնենք, որ մինչեւ վերջերս Պըն Սըլման կը համարուի Սէուտական թագաւորութեան գաղտնի սպասարկութեան մարմիններու կարեւոր ներկայացուցիչներէն մին:
