-1.91c
Երեվան
շբթ, նմբ 09
Լիբանան- Լիբանանեան Պեքաա շրջանին մօտ գտնուող Քըֆրայա աւանին մէջ առեւանգուած Լեհ քաղաքացիներուն ճակատագիրը ցարդ կը մնայ անյայտ: Նշենք, որ Լեհաստանի կառավարութիւնը խնդրին հետեւելու նպատակով ստեղծած է յատուկ մարմին մը նախագահութեամբ երկրի արտաքին գործոց նախարար՝ Լուպոմիր Զաուրլիքին: Իր կարգին Լիբանանի ԱԳ նախարար Ժըպրան Պասիլ կապ հաստատած է իր լեհ պաշտօնակիցին հետ եւ յայտնած , որ երկրի ապահովական մարմինները ամէն ճիգ կ'ընեն առեւանգեալներու ճակատագիրը ճշդելու համար: Զաուրլիք, որ խնդրին առնչութեամբ խօսած է BBC-ին ըսած է, թէ մինչեւ այս պահը առեւնագեալներուն մասին յստակ տեղեկութիւններ չկան: Ան մերժած է պարզել լեհերուն Լիբանան մեկնելու պատճառները: Նշենք, որ Լիբանանցի վարորդԻ մը եւ 5 լեհերուն առեւանգման պատճառները ցարդ կը մնան անյայտ եւ ոչ մէկ կողմ ստանձնած է դէպքին պատասխանատուութիւնը:
Լիբանանեան ապահովական մարմիններ կը շարունակեն առեւանգուած լեհերուն որոնման աշխատանքները:
