3.09c
Երեվան
կրկ, փտր 01
ՆԱԹՕ-ի երկիրները մտադիր չեն իրենց զինուժը ուղարկել Ուքրանիա: Այս մասին յայտարարած է Գանատայի վարչապետ Ճասթին Թրուտօն:
«Մենք ՆԱԹՕ-ի ղեկավարներու գագաթաժողով կատարած ենք, ուր քննարկած ենք ապագայի մեր տեսլականը, թէ ինչպէս պիտի աշխատինք միասին, պարզ է, որ մենք չենք պատրաստուիր զօրքեր ուղարկելու Ուքրանիա», ըսած է ան:
Անոր խօսքով` արեւմտեան երկիրները մտադիր են շարունակել պաշտպանել ժողովրդավարութիւնը Ուքրանիոյ մէջ, սակայն պիտի չսադրեն Ռուսաստանի Դաշնութիւնը եւ պիտի չձգտին սրելու իրավիճակը:
«Մենք վճռական ենք միասին շարունակելու ամուր կանգնիլ ժողովրդավարութեան պաշտպանութեան համար: Մենք պիտի չհրահրենք (Ռուսաստանի Դաշնութիւնը), մենք պիտի չձգտինք մագլցումի», ըսած է Թրուտօն: Վարչապետը յաւելած է, որ Գանատան, ԱՄՆ-ն եւ Եւրոպան պատրաստ են «պաշտպանելու (իրենց) արժէքներն ու ազատութիւնները»:
