Սէուտական Արաբիա- («Ռօյթըրզ») Նախօրօք յայտնած էինք Մեքքայի մօտ պատահած արկածին մասին, ուր հաւատցեալներ հրմշտուքի հետեւանքով զոհուած էին: «Ռօյթըրզ» այս առումով յայտնեց, թէ ծանր պատահարին հետեւանքով մահացած իսլամ հաւատացեալներուն թիւը հասած է 717-ի իսկ վիրաւորներունը՝ 805-ի: Աղբիւրը նաեւ նշած է, որ զոհերուն թիւը կրնայ բարձրանալ 1000-ի: Նոյն աղբիւրը նշեց, որ զոհերուն մէջ կան 43 իրանցիներ: Նշենք, որ Միննա քաղաքը կը գտնուի Մեքքայէն 5 քիլոմեթր հեռաւորութեան վրայ: Այս տարուան կրօնական արարողութեան կը մասնակցէին շուրջ 2 Միլիոն Իսլամ հաւատացեալներ: