31.09c
Երեվան
ուրբ, հնս 27
Բազմաթիւ լիբանանցիներ աշխարհով մէկ կը փայլին արուեստի եւ ճարտարապետութեան ոլորտներու մէջ։ Երիտասարդ անուններու շարքին հանդէս կու գայ նաեւ լիբանանահայ Արին Աբրահամեանին անունը։
Արին Աբրահամեանը 2013 թուականին, Պէյրութի Ամերիկեան համալսարանէն ստացած է իր ճարտարապետութեան վկայականը, մասնագիտանալով արուեստի պատմութեան մէջ ։ Անմիջապէս արդէն աշխատանքի անցնելով, սկսած է նախագծել եւ ուսումնասիրել, արժանի ճանաչում ստանալով։
2018 թուականին Ատրիան Միւլլըրի հետ հիմնած է նորարարական ճարտարապետութեան եւ տարածքային նախագծումներու «Միւլլըր Աբրահամեան» ընկերութիւնը։
Ընկերութիւնը կ՚աշխատի արուեստագէտներու, ապրանքանիշերու, տարածքներու եւ յաճախորդներու լայն եւ հանրածանօթ շրջանակներու հետ՝ անոնց համար նախագծելով եւ գործնականացնելով արդիական, նորարական գաղափարներ:
Հիմնադրումէն ի վեր, «Միւլլը Աբրահամեան» ընկերութիւնը նախաձեռնած է շարք մը ծրագիրներ՝ Լոնտոնի, Պէյրութի եւ Երեւանի մէջ: Ան նաեւ աշխատած է զանազան, հանրածանօթ արուեստագէտներու եւ ընկերութիւններու հետ, ինչպիսիք են՝ «Վէնիս Պիէնալ»ը, «Թումօ»ն եւ «Թըրնըր Քոնթէմբորըրի»ն։
Արին Աբրահամեանը 2019-ին ստացած է «Ֆուլպրայթ» կրթաթոշակ, մաքիստրոսի ուսումը շարունակելու համար «Պըրքլի» համալսարանին մէջ, խորապէս ուսումնասիրելու համար նորարական նախագիծերը։
2023-2024 տարուան ամբողջ ընթացքին, Արին Աբրահամեանը պիտի աշխատի իբրեւ խորհրդատու, ֆրանսացի հանրայայտ ճարտարապետ Անն Լաքաթոնի մօտ, «Rolex Mentor and Protégé Arts Initiative» ծրագիրէն ներս։
Նիւթը՝ «the 961.com» կայքէն
