-1.91c
Երեվան
հնգ, հնվ 01
Իրանը ընդհանուր սպառնալիք է Ատրպէյճանի եւ Իսրայէլի համար․ Երուսաղէմի մէջ մարտ 29-ին ատրպէյճանցի պաշտօնակից Ճէյհուն Պայրամովի հետ համատեղ ասուլիսին յայտարարած է Իսրայէլի արտաքին գործոց նախարար Էլի Քոհենը։
«Իրանը կը սպառնայ մեր տարածաշրջանը եւ անկայունութիւն կը ստեղծէ Մերձաւոր Արեւելքի մէջ՝ աջակցելով եւ ֆինանսաւորելով ահաբեկչութիւնը։ Մենք պէտք է միասնաբար գործենք Իրանի դէմ եւ թոյլ չտանք անոն ընդլայնել միջուկային հնարաւորութիւնները»,- ըսած է Իսրայէլի արտաքին գերատեսչութեան ղեկավարը։
Նշենք, որ Ատրպէյճանի արտաքին գործոց նախարար Ճէյհուն Պայրամով չորեքշաբթի ժամանած է Իսրայէլ եւ հանդիպած իր գործընկեր Էլի Քոհենի հետ։
«Մեր երկիրներու միջեւ դիւանագիտական յարաբերութիւններու 30 տարուան ընթացքին առաջին անգամ Իսրայէլի մէջ կը բացուի Ատրպէյճանի մշտական դեսպանատուն»,- ըսուած է Իսրայէլի արտաքին գործոց նախարարի յայտարարութեան մէջ։
Մարտ 29-ին կը նախատեսուի Թէլ Աւիւի մէջ Ատրպէյճանի դեսպանատան բացման պաշտօնական արարողութիւնը։
