ՀՅԴ Լիբանանի Հայ Դատի մարմինը այցելեց Վեր. դոկտ. Փոլ Հայտոսթեանին

ՀՅԴ Լիբանանի Հայ Դատի մարմինը այցելեց Վեր. դոկտ. Փոլ Հայտոսթեանին

ՀՅԴ Լիբանանի Հայ դատի մարմինը ներկայացնող պատուիրակութիւն մը, որուն մաս կը կազմէին Վահրամ Էմմիեան, դոկտ. Քրիստին Արզումանեան-Ղազարեան, Եղիա Թաշճեան եւ Ճօ Զուլիքեան, այցելեց Մերձաւոր Արեւելքի Հայ աւետարանական եկեղեցիներու միութեան նախագահի տեղապահ, Հայկազեան համալսարանի նախագահ վեր. դոկտ. Փոլ Հայտոսթեանին:

Հայ դատի մարմինի պատուիրակութիւնը վեր. դոկտ. Հայտոսթեանը շնորհաւորեց Հայ աւետարանական եկեղեցւոյ հիմնադրութեան 175-ամեակին, ինչպէս նաեւ վեր. դոկտ. Հայտոսթեանի` Մերձաւոր Արեւելքի Հայ աւետարանական եկեղեցիներու միութեան  նախագահի տեղապահ ընտրութեան առիթով:

ՀՅԴ Հայ դատի մարմինի պատուիրակութիւնը նաեւ ամփոփ գիծերով վեր. դոկտ. Հայտոսթեանին ներկայացուց իր աշխատանքները: Ապա, վեր. դոկտ. Փոլ Հայտոսթեան հայկական աշխարհին մէջ ստեղծուած ներկայ կացութեան լոյսին տակ իր մտածումները պարզեց, ինչպէս նաեւ միջազգային զարգացումներու լոյսին տակ ներկայացուց իր յորդորները Հայ դատի աշխատանքները աւելի ազդու կերպով կազմակերպելու գծով: