• 350
• 09/05/2023

Հայաստան ներթափանցած ատրպէյճանցիներէն մին բանտարկութեան պատիժ ստացաւ

Հայաստանի սահմանը հատած երկու ատրպէյճանցիներէն մէկը՝ Ակշին Պապիրով, դատապարտուած է 11 տարի 6 ամիս 15 օրուան ազատազրկման։ Այս մասին տեղեկութիւնը հաստատած են ՀՀ գլխաւոր դատախազութենէն:

Ատրպէյճանցի զինծառայողը մեղաւոր ճանչցուած է սահմանն ապօրինի հատելու, պետական սահմանով հրազէն եւ ռազմամթերք ապօրինի տեղափոխելու համար։ Ան ընդունած է իրեն առաջադրուած մեղադրանքը։

Անոր հետ սահմանը հատած երկրորդ ատրպէյճանցի՝ Հուսէյն Ախունտովի գործով քննութիւնը կը շարունակուի։ Ան կը մեղադրուի նաեւ «Զանգեզուրի պղնձամոլիբդենային կոմբինատ»-ի պահակը սպանելու համար։

Յիշեցնենք, որ 10 ապրիլին յայտնի դարձաւ, որ Սիսիանի Բնունիս համայնքը ատրպէյճանցիներ յայտնուած են ։

Աւելի ուշ ՀՀ պաշտպանութեան նախարարութիւնը հաստատեց տեղեկութիւնը` նշելով, որ ՀՀ տարածք յայտնաբերուած եւ ձերբակալուած է Ատրպէյճանի Զինուած ուժերու մէկ զինծառայող, միւսը կ'որոնեն։ 13 ապրիլին ՊՆ-ն յայտնեց, որ ՀՀ տարածք յայտնաբերուած եւ ձերբակալուած է ատրպէյճանցի երկրորդ զինծառայողը, որ կը կասկածուէր ԶՊՄԿ աշխատակիցի սպանութեան մէջ։

17 ապրիլին դատախազութիւնը յայտնեց, որ ՀՀ տարածք յայտնուած ատրպէյճանցի երկու զինծառայողներուն մեղադրանք ներկայացուած է, երկուքն ալ կալանաւորուած են։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ