9.09c
Երեվան
կրկ, մյս 19
Բեյրութում ամուսնացել է ճանաչված ռոք երգչուհի, այս տարվա World Armenian Entertainment Awards-ում «Սփյուռքի լավագույն երգչուհի» ճանաչված Այլին Խաչատուրյանը: Նա շնորհակալություն է հայտնել աշխարհահռչակ հայ դիզայներ Գրիգոր Ջաբոտյանին (Krikor Jabotian)` հարսանեկան ինքնատիպ հագուստի համար:
Այլին Խաչատուրյանը ճանաչված ռոք երգչուհի է, ունի ձայնագրված ալբոմներ: Նրա «Զարթիր, որդյակ» երգի տեսահոլովակը, 2010-ին լիբանանյան հեռուստալիքներով հեռարձակվելուց հետո, Լիբանանի Ազգային անվտանգության մարմինների կողմից արգելվեց ցուցադրել, իբրեւ խոչընդոտ` Լիբանան-Թուրքիա հարաբերություններին:
Երգչուհին համերգներ է ունեցել տարբեր երկրներում, 2012 թ-ին համերգ է ունեցել նաև Հայաստանում, երգել է նաեւ System of a Down խմբի հետ` S.O.A.D.-ի լիբանանյան համերգին: Այս տարվա ապրիլին երգչուհին հայկական երգերով հանդես է եկել նաեւ Ստամբուլում: Այլինն ունի սեփական խումբը եւ պատրաստվում է կրկին համերգներ ունենալ Հայաստանում եւ աշխարհի հայաշատ երկրներում:
