13.09c
Երեվան
երք, ապր 29
Թուրքիոյ ապահովական մարմիններ Պոլսոյ «Աթաթուրք»ի անուան միջազգային օդակայանէն արտաքսած են ֆրանսահայ Ռիչըրտ Տեմիրճին, վերջինիս թրքերէն իմանալուն պատճառով: Դէպքի մանրամասները «Ակօս» շաբաթաթերթին ներկայացուցած է Ռիչըրտ Տեմիրճիի որդին՝ Դանիէլ Տեմիրճին: Դէպքը տեղի ունեցած է կիրակի օր, օդակայանի մուտքին մօտ, ուր ոստիկանները կանգնեցուցած են մեքենան եւ ուղեւորներէն, որոնց շարքին նաեւ Տեմիրճիէն անձնագիր պահանջած են: Երբ Տեմիրճին իր ֆրանսական անձնագիրը ներկայացնելէ ետք ոստիկաններուն հարցերուն թրքերէնով պատասխանած է, անոր հարցուցած են, թէ արդեօ՞ք ինք թուրք է: Ոստիկաններու՝ «թրքերէն կը խօսիս, ծննդավայրդ Սղերթ նշուած է, ինչպէ՞ս թէ թուրք չես» հարցումին պատասխանելով Տեմիրճի ըսած է, որ ինք ազգութեամբ հայ է եւ Ֆրանսայի քաղաքացի է: Այս հիման վրայ ոստիկանները զինք ահաբեկիչ համարած են եւ մեքենայէն իջեցուցած ու շտապ մեկուսացուցած: Յաջորդ օրը՝ դատարանի որոշմամբ Տէմիրճի արտաքսուած է Թուրքիայէն: «Ակօս» նոյնպէս կը փոխանցէ, որ Ռիչըրտ Տեմիրճին ամիսը անգամ մը աշխատանքային այցով Պոլիս կը մեկնէր, իսկ այժմ անոր Թուրքիա մուտքը արգիլուած է:
