-0.91c
Երեվան
կրկ, դկտ 22
Եւրոպայի տարածքին մէջ գտնուող ԱՄՆ շարք մը ռազմակայաններ բերուած են մարտական պատրաստութեան: Այդ տեղի ունեցած է յունիս 29-ին եւ 30-ին:
Ռազմակայաններու ուժային պաշտպանութեան մակարդակը բարձրացուած է երկրորդ աստիճանի՝ կապուած այն մտավախութիւններու հետ, որ ամերիկեան զօրքերը կամ ռազմակայանները կրնան ենթարկուիլ ահաբեկչական յարձակման: Այս մասին յայտնած է CNN-ը՝ վկայակոչելով երկու անանուն ամերիկացի պաշտօնեայ։
Այս ռազմակայաններուն մէջ, ներառեալ ԱՄՆ բանակի Շթութկարթի կայազօրը, ուր տեղակայուած է ԱՄՆ Եւրոպական հրամանատարութիւնը (USEUCOM), յունիս 30-ին զինուած ուժերու պաշտպանութիւնը հասցուած է «Չառլի» մակարդակի։ Ըստ ԱՄՆ բանակի՝ այս մակարդակը կ՚օգտագործուի «երբ միջադէպ տեղի կ՚ունենայ կամ կայ հետախուզական տեղեկատւութիւն, որ կը վկայէ ռազմական անձնակազմի կամ կայաններու վրայ յարձակման կամ ահաբեկչութեան հաւանականութիւնը»:
CNN-ի աղբիւրներէն մէկը, որ կը գտնուի Եւրոպայի մէջ ԱՄՆ ռազմակայաններէն մէկուն մէջ, ընդգծած է, որ սպառնալիքի այս մակարդակն իրենց մօտ չէր յայտարարուած «առնուազն 10 տարի»։
«Այդ կը նշանակէ, որ զինուորականները տեղեակ են լուրջ սպառնալիքի մասին», -ըսած է ան:
