13.09c
Երեվան
կրկ, մյս 03
Հայկական կողմը դեռ բացատրութիւն չէ տուած Ռուսիոյ Դաշնութեան Պետդումայի պատգամաւոր՝ Կոնսթանթին Զատուլինի եւ «Ռոսիա սեկոտնեա» ՄՏԳ–ի եւ «Russia Today»-ի գլխաւոր խմբագիր՝ Մարկարիթա Սիմոնեանի Հայաստան մուտքը արգիլելու վերաբերեալ։ Sputnik Արմենիայի հետ զրոյցին այս մասին ըսաւ Հայաստանի մօտ Ռուսիոյ դեսպան՝ Սերգեյ Քոփիրքին։
«Մենք պաշտօնապէս պարզաբանումներ խնդրած ենք այս իրավիճակի վերաբերեալ։ Պատասխան դեռ չկայ»,–ըսած է դեսպանը։
Յիշեցնենք, որ 25 հոկտեմբերին Կոնսթանթին Զատուլին նամակ ստացած էր ՀՀ ԱԺ–էն, ուր զինք տեղեկացուցած էին, որ իր մուտքը Հայաստանի Հանրապետութիւն անցանկալի է։ Զատուլին պէտք է 28 հոկտեմբերին Հայաստան գար` մասնակցելու իր հիմնադրած «Լազարեւեան ակումբի» նիստին։
Անկէ յետոյ Մարկարիթա Սիմոնեան յայտարարած էր, որ զինք նոյնպէս արգիլած են Հայաստան մուտք գործել։
27 հոկտեմբերին ՌԴ ԱԳՆ-ի խօսնակ՝ Մարիա Զախարովան յայտարարեց, որ Մոսկուան Երեւանէն պարզաբանում պահանջած է Զատուլինի Հայաստան մուտքն արգիլելու վերաբերեալ։
