20.09c
Երեվան
երկ, հնս 23
Եւրոպային Անվտանգութեան եւ համագործակցութեան կազմակերպութեան խորհրդարանական վեհաժողովէն (ԵԱՀԿ ԽՎ) Ռուսիոյ դուրս գալը դեռ չէ քննարկուած, սակայն հարցը «օդէն կախուած է», ըսած է Ռուսիոյ Դաշնութեան Արտաքին գործոց նախարար Սերկէյ Լաւրովը։ Այս մասին յայտնած է vedomosti.ru-ն:
«Հարցը դեռ չէ քննարկուած, բայց օդին մէջ կախուած է։ Կը հետեւի՞ն մեզի մեր դաշնակիցները, այդ այլ հարց է, եւ այստեղ, ի հարկէ, պէտք է լիովին հաշուի առնել անոնց դիրքորոշումը»,-ըսած է ան Տումայի մէջ կառավարութեան ժամուն։
Փետրուար 13-ին Տումայի նախագահ Վիաչեսլաւ Վոլոտինը յայտարարած էր, որ Ստորին պալատը եւ Դաշնութեան խորհուրդը փետրուար 21-ին կայանալիք իրենց լիագումար նիստին պիտի որոշեն կասեցնել Ռուսիոյ մասնակցութիւնը Եւրոպային Անվտանգութեան եւ համագործակցութեան կազմակերպութեան (ԵԱՀԿ) խորհրդարանական վեհաժողովին եւ հրաժարիլ համապատասխան վճարումներէն։ Դիրքորոշումը նախապէս համաձայնեցուած է Լաւրովի հետ, ըսած է Տումայի միջազգային հարցերով յանձնաժողովի նախագահ Լեոնիտ Սլուցքին։
