Արեվելք - Արևելք լրատուական

272
23/04/2023

«Դժուարին օրերուն անոնք կողքիս էին». Առաջնորդ Հայր Սուրբին այցը՝ Ուոթըրվլէթի համայնք

Հայց. Առաքելական Եկեղեցւոյ Արեւելեան Թեմի Առաջնորդ Հոգշ. Տ. Մեսրոպ վրդ. Պարսամեանի գրիչէն կը կարդանք՝

Նիւ Եորք, Ուոթըրվլէթի Սուրբ Պետրոս հայկական եկեղեցի իմ վերջին այցս շատ ջերմ էր: Համայնքը զիս գրկաբաց ընդունեց ՝ ցոյց տալով այն սէրն ու հիւրընկալութիւնը, որոնցմով հպարտ կը զգամ, որպէս մեր պատմական Թեմի Առաջնորդ:

Ցաւօք սրտի, եկեղեցւոյ հովիւը՝ Տ. Ստեփանոս Տուտուքճեանը եւ երէցկին՝ Փոլէթ Տուտուքճեանը չկրցան մեզի միանալ, հիւանդութեան պատճառով ։ Այնուամենայնիւ, անոնց ոգին ներկայ էր ամբողջ շաբաթավերջի ընթացքին: Եկեղեցւոյ եւ ծխականներուն հանդէպ անոնց տածած նուիրումն ու սէրը ակնյայտ էր Սուրբ Պետրոսի ծաղկող եւ աճող համայնքին մէջ:

Այցելութեանս ընթացքին հնարաւորութիւնն ունեցայ երախտագիտութիւնս յայտնելու համայնքին, կեանքիս դժուարին ժամանակահատուածին մէջ անոնց ցուցաբերած աջակցութեան եւ հոգատարութեան համար: Ինքնաշարժի արկածի ենթարկուելէս ետք, Սուրբ Պետրոս եկեղեցւոյ համայնքին ցուցաբերած հոգատարութիւնն ու աջակցութիւնը միշտ պիտի մնայ յիշողութեանս մէջ։

Խորին շնորհակալութիւն կը յայտնեմ հովիւ Տ. Ստեփանոսին եւ երէցկնոջ, Ծխական Խորհուրդին, Տիկնանց Միութեան, Երգչախումբին, Սարկաւագներուն եւ Սուրբ Պետրոս հայկական եկեղեցւոյ բոլոր անդամներուն, իրենց ջերմ ընդունելութեան, բարութեան եւ առատաձեռնութեան համար։ Ուրիշներուն ծառայելու եւ Քրիստոսի ուսմունքներով ապրելու ձեր յանձնառութիւնը կ՚ոգեւորէ բոլորս:

Թող Աստուած առատօրէն օրհնէ ձեզ, եւ ձեր համայնքը թող յարատեւ ծաղկի։