23.09c
Երեվան
շբթ, օգս 22
Լիբանանի Հանրապետութեան նախագահ Ժոզէֆ Աուն երէկ Վատիկանի մէջ հանդիպում ունեցաւ Լեւոն ԺԴ. պապին հետ եւ անոր դարձեալ շնորհակալութիւն յայտնեց «բոլոր ջանքերուն համար, զորս ան կը թափէ Լիբանանին աջակցելու համար` հասնելու Իսրայէլի բռնագրաւումը վերացնելու եւ իր հողերուն վրայ իսրայէլեան յարձակումները դադրեցնելու Լիբանանի պահանջներուն իրագործման»:
Նախագահը պապին կոչ ուղղեց շարունակելու այս պահանջներուն իր աջակցութիւնը:
Աուն աւելի ուշ հանդիպում ունեցաւ Վատիկանի քարտուղար կարտինալ Փիեթրօ Փարոլինի եւ Վատիկանի արտաքին գործոց նախարար Ռիչըրտ եպս. Կալակըրի հետ:
Վատիկանի տեղեկատուական գրասենեակը հաղորդեց, որ այդ հանդիպումը հիմնականին մէջ կեդրոնացած է Միացեալ Նահանգներու, Իսրայէլի եւ Լիբանանի միջեւ ստորագրուած «Եռակողմ շրջագծային համաձայնութեան» վրայ:
Սուրբ աթոռը գոհունակութիւն յայտնած է այդ փաստաթուղթի ստորագրման համար, սակայն նոյն միեւնոյն ժամանակ լուրջ մտահոգութիւն յայտնած է անոր գործադրութեան դիմագրաւած դժուարութիւններուն նկատմամբ` իր զօրակցութիւնը յայտնելով այդ ուղղութեամբ թափուող ջանքերուն նկատմամբ:
