14.09c
Երեվան
չրք, ապր 02
Ատրպէյճանի Միլի Մեճլիսի արտաքին յարաբերութիւններու յանձնաժողովի նախագահը մերժած է Սարգիս Խանդանեանի առաջարկը։ Այս մասին Խանդանեան յայտնած է X-ի իր էջին։
Հայաստանի Ազգային Ժողովի Արտաքին յարաբերութիւններու յանձնաժողովի նախագահ Սարգիս Խանդանեան մարտ 20-ին ատրպէյճանցի պաշտօնակցին առաջարկած էր յանձնաժողովներու հանդիպում կայացնել՝ հաշուի առնելով խաղաղութեան համաձայնագրի նախագիծի շուրջ բանակցութիւններու աւարտը։
«Իմ ադրբեջանցի գործընկերը հրապարակայնօրէն մերժել է խաղաղ համաձայնագրի նախագծի շուրջ կարծիքների փոխանակման հանդիպման մասին իմ առաջարկը՝ ինձ անգամ «պոպուլիստ» անուանել: Եթէ խաղաղութեան քարոզչութիւնը պոպուլիզմ է, ապա ես հպարտօրէն ընդունում եմ այդ պիտակն այնքան ժամանակ, որքան անհրաժեշտ է»,- գրած է Խանդանեան:
Խանդանեան նշած է, որ իր առաջարկը կը մնայ սեղանին։
«Ես պատրաստ եմ ներգրաւուել միջխորհրդարանական մակարդակով վստահութեան ամրապնդման միջոցառումներում՝ անխոնջ աշխատելով մեր տարածաշրջանում խաղաղութեան եւ կայունութեան համար»,- գրած է ան։
Առաջարկն ընելու ժամանակ Խանդանեանը յոյս յայտնած էր, որ դրական արձագանգ պիտի ստանայ։
