-3.91c
Երեվան
հնգ, հնվ 01
Յայտարարութեան մէջ մասնաւորապէս ըսուած է.
«Խօսակցութիւններ են պտտւում այն մասին, թէ իբր Ստեփանակերտ քաղաքի Վերածծնդի հրապարակում` պետական շէնքերին տեղադրուելու է ատրպէյճանական դրօշ, հարկ եմ համարում քաթեկորիք հերքել այդ լուրերը: Որոշ լրատուամիջոցներում եւ ընկերային ցանցերում լուրեր են տարածւում, թէ Արցախի պաշտպանութեան բանակը կազմալուծուելու է եւ ըստ այդ լուրերի տրամաբանութեան Արցախի սահմանների պաշտպանութեան կազմակերպում չի լինելու: Այս կապակցութեամբ ցանկանում եմ տեղեկացնել, որ Արցախի պետական մարմինները ներկայումս զբաղւում են պայմանագրային հիմունքներով մասնագիտական ստորաբաժանումներ կազմակերպելու հարցով` հենց մեր սահմանների պաշտպանութեան նպատակով:
Հասարակութեան որոշ շրջանակներում մտավախութիւն կայ, թէ օրինակ Ստեփանակերտի Կրկժան, Աջափնեակ թաղամասերը կամ Ասկերանի Իվանեան գիւղը առաջիկայում կը բնակեցուի ատրպէյճանական ընտանիքներով: Խօսակցութիւններ են շրջանառւում նաեւ այն մասին, թէ մասնաւորապէս Ստեփանակերտի առեւտրային կէտերում ատրպէյճանցիները կատարում են գնումներ: Հաւաստիացնում եմ, որ նման խօսակցութիւնները զուրկ են որեւէ հիմքից:
Սիրելի՝ արցախցիներ, Արցախի իշխանութիւնների անունից հաւաստիացնում եմ ձեզ, որ չնայած պատերազմական գործողութիւնների հետեւանքով մեզ հասցուած անդառնալի կորուստների պետութիւնը մշտապէս յանձնառու է կատարելու բնակչութեան անվտանգութեան եւ բնականոն կենսագործունէութեան ապահովման իր պարտականութիւնները, ըստ այդմ կոչ եմ անում տուրք չտալ կեղծ լուրերին եւ հաւատացած լինել, որ արուել եւ արւում է ամէն ինչ արցախցու արժանապատիւ կեանքի համար անհրաժեշտ պայմաններ ստեղծելու եւ ընդլայնելու ուղղութեամբ»:
