image

Ամենապատիւ Եւ Գերերջանիկ Տ. Գրիգոր- Պետրոս Ի. Կապրոյեան (Կենսագրական Տուեալներ)

Ամենապատիւ  Եւ Գերերջանիկ Տ.  Գրիգոր- Պետրոս  Ի.   Կապրոյեան (Կենսագրական Տուեալներ)

 Լիբանան-    Նախօրօք  «Արեւեք» յայտնած էր, Հայ Կաթողիկէ Պատրիարքի ընտրութեան լուրը: Ստորեւ կը ներկայացնենք Հայ  Կաթողիկէ   Տ. Գրիգոր- Պետրոս 20-րդ Կաթողիկոս Պատրիարքի կենսագրական  տուեալները: Նորընտիր Կաթողիկոս Պատրիարքը ծնած է Հալէպ` 14 նոյեմբեր 1934-ին։ Մտած է Զմմառու կղերանոցը եւ ապա իր ուսումը շարունակած  է  Լեւոնեան Հռոմի  Վարժարանէն ներս։ Իմաստասիրական եւ Աստուածաբանական ուսումները աւարտած է Քահանայապետական Գրիգորեան համալսարանին մէջ։ Եկեղեցական ուսմանց աւարտին` Քահանայ ձեռնադրուած է  Պէյրութ` 28 մարտ 1959-ին։ Պաշտօնավարած է Զմմառու կղերանոցին մէջ 1960-ին, ապա 1962էն -1969 եղած է տեսուչ Մեսրոպեան Վարժարանին, իսկ 1969էն - 1975` տեսուչ Զմմառու դպրեվանքին եւ քարտուղար համանուն վանքին գործադիր խորհուրդին։1976-ին Սուրբ Աթոռի կողմէ կը նշանակուի Ֆրանսայի Հայ Կաթողիկէներու Առաջնորդ ուր կը մնայ մինչեւ իր հրաժարականը։Եպիսկոպոսական օծումը կը ստանայ Պէյրութի Սուրբ Փրկիչ եկեղեցւոյ մէջ` 13 փետրուար 1977-ին, ձեռամբ երջանկայիշատակ Հմայեակ Պետրոս ԺԷ Կէտիկեան կաթողիկոս Պատրիարքի նՆորընտիր Գրիգոր - Պետրոս Ի Կաթողիկոս Պատրիարքի գահակալութեան արարողութիւնը նախատեսուած է 9 օգոստոսի յետմիջօրէի` ժամը 5-ին Զմմառու աթոռանիստ մայրավանքին մէջ։ «Արեւելք» կայքը, իր  որդիական զգացումները  կը յայտնէ`   Տանն Կիլիկիոյ Կաթողիկէ Հայոց Ամենապատիւ Տէր Գրիգոր Պետրոս Ի. Կաթողիկոս Պատրիարքին անոր մաղթելով բեղուն առաքելութիւն ի Փառս Աստուծոյ եւ ի պայծառութիւն ազգիս հայոց եւ հայ կաթողիկէ եկեղեցւոյ։