18.5c
Երեվան
շբթ, հլս 04
Ըստ «Ժամանակ»ի տեղեկութիւններուն՝ Սէյրան Օհանեան ՀՀ նախկին ԱԳ նախարար Վարդան Ոսկանեանի հետ հանդիպում ունեցած է Հայաստանէն դուրս՝ այս տարի Օգոստոսին, երբ Յովիկ Աբրահամեան պաշտօնանկ եղաւ եւ ակնյայտ էր, որ նոր կառավարութիւն պիտի ձեւաւորուէր:
Հայաստանի յատուկ ծառայութիւններուն շուտով յայտնի դարձած է Պաշտպանութեան նախարար Սէյրան Օհանեանի եւ «Համախմբում» կուսակցութեան նախագահ Վարդան Ոսկանեանի հանդիպման փաստը:
Յայտնի դարձած է նաեւ, որ Սէյրան Օհանեանի հորդորով է, որ Վիքթոր Դալլաքեան հրաժեշտ տուած է ՀՀԿ-ին եւ նախագահի աշխատակազմի ղեկավարի տեղակալի պաշտօնին՝ ձեռնամուխ ըլլալով ծայրայեղ հռետորաբանութեամբ ընդդիմադիր ուժի ստեղծման: Վարդան Ոսկանեանի հաւաստմամբ՝ Սէյրան Օհանեան քաղաքականութիւն վերադառնալու որոշում տակաւին չունի, բայց ան անպայման ներկայ պիտի գտնուի Վիքթոր Դալլաքեանի կողմէ ստեղծուելիք «Երրորդ Հանրապետութիւն» կուսակցութեան հիմնադիր համագումարին:
Չի բացառուիր, որ Պաշտպանութեան նախկին նախարարը հանդէս գայ ելոյթով:
