-4.91c
Երեվան
չրք, հնվ 28
«AL arabiya.net»ը կը գրէ. Թուրքիոյ Խորհրդարանի քրտական ընդդիմադիր Դեմոկրատ ժողովրդավարական Կուսակցութեան (HDP) ներկայացուցիչ՝ Սարպէլ Քեմալպայը հայց ներկայացուցած է հարցաքննելու Արտաքին Գործերու Նախարար՝ Մեւլուտ Չաուշօղլուն, ճշդելու համար Ատրպէյճան վարձկաններ ու ռազմական ինքնաթիռներ ուղարկելու մասին շրջանառուող տեղեկութիւնները:
Քմալպայը շեշտած է, որ պէտք է պարզուի այն տեղեկութիւնը, ըստ որուն Թուրքիան Սուրիոյ հիւսիսը գտնուող Աֆրին քաղաքէն 4000 սուրիացի վարձկաններ տեղափոխած է Ղարաբաղի շրջան՝ ամսական 1800 ամերիկեան տոլարի դիմաց, եւ անոնց պարտականութիւնը երեք ամիս պիտի տեւէ:
Ան շեշտած է նաեւ, որ անհրաժեշտ է պարզել եւ իմանալ ճշմարտացիութիւնը՝ Հայաստանի դէմ պատերազմին թրաքկան «F-16» տիպի ռազմական ինքնաթիռներ ու անօդաչու թռչող սարքեր օգտագործելու մասին տեղեկութիւնները:
Պատգամաւորը յայտնած է նաեւ, որ Ատրպէյճանի ու Հայաստանի միջեւ ընթացող ծանր բախումներուն պատճառով երկուստեք խաղաղ բնակիչներ կը սպանուին:
Ան նշած է նաեւ. «Մինչ աշխարհի երկիրները կողմերուն կոչ կ'ընեն նուազեցնելու լարուածութիւնը եւ բանակացութիւններու սեղանին շուրջ նստելու, մեր պետութիւնը, սակայն, յայատարարեց, որ Թուրքիոյ Ատրպէյճանին աջակցութիւնը ամբողջական է եւ պատրաստ է միջամտելու այնպէս՝ ինչպէս Ատրպէյճանը կը փափաքի»:
