17.09c
Երեվան
չրք, հկտ 21
Գերմանիոյ թուրք բնակիչները կը պատրաստուին քրէական հայց ներկայացնել «Գերմանիոյ համար այլընտրանք» կուսակցութեան ակնառու անդամ Անտրէ Պոկինպուրկի դէմ: Այս մասին կը հաղորդէ «Ռոյթըրզ» լրատուական գործակալութիւնը:
Աղբիւրին համաձայն, թուրքերու խուճապին պատճառն եղած է գերմանացի քաղաքական գործիչին յայտարարութիւնը, թէ «թուրքերը ուղտապաններ են, եւ անոնք պէտք է իրենց կաւէ խրճիթները վերադառնան»:
Պոկինպուրկ միաժամանակ նշած է, որ գերմանաբնակ թուրքերը ուղտի վաճառականներ եւ հովիւներ են:
Նշենք, որ Պոկինպուրկ իր կատարած յայտարարութեան համար բուռն քննադատութիւններու ենթարկուած է տարբեր քաղաքական գործիչներու կողմէ, որոնք զինք մեղադրած են այլատեացութիւն սերմանելու մէջ:
