25.81c
Երեվան
երկ, օգս 03
Արցախի նախագահ Արայիկ Յարութիւնեանը ստորագրած է հրամանագիր, համաձայն որու` զօրավար-լեյտենանտ Ճալալ Անատոլիի Յարութիւնեանը ազատուած է Արցախի Հանրապետութեան պաշտպանութեան նախարար - պաշտպանութեան բանակի հրամանատարի պաշտօնէն:
Մէկ այլ հրամանագրով՝ զօրավար-մայոր Միքայէլ Ալպերթի Արզումանեանը նշանակուած է Արցախի Հանրապետութեան պաշտպանութեան նախարար-պաշտպանութեան բանակի հրամանատար՝ անոր շնորհուած է զօրավար-լեյտենանտի զինուորական կոչում:
«Ճալալ Յարութիւնեանի ազատման որոշումը պահի հրամայական է՝ պայմանաւորուած օրերս մարտական դիրքուն վրայ անոր ստացած վիրաւորումով եւ տարամեկնաբանութիւններու առիթ պէտք չէ հանդիսանայ:
Ապաքինում կը մաղթեմ Ճալալ Անատոլիին եւ համոզուած եմ, որ ան շատ շուտով կը վերադառնայ հայրենիքին ծառայութեան:
Վստահ եմ, որ Միքայէլ Արզումանեանը նոր պաշտօնին կը գիտակցի պատասխանատւութեան աստիճանը եւ ջանք ու եռանդ չի խնայեր, որպէսզի այդ վստահութիւնը արդարացնէ», - նշած է Արցախի նախագահը։
