«Իսլամական պետութիւն» ահաբեկչական խմբաւորումը խանութպաններուն եւ առեւտրականներուն կը պարտադրէ երեքշաբթի օրուընէ սկսեալ, ապրանքներուն գիները իրենց արժոյթով` տրհամով սահմանել, մէկ տրհամի արժէքը սահմանելով 1000 սուրիական ($1.80): Այս մասին կը հաղորդէ «Ալ-Տիար», նշելով, որ ահաբեկչական կազմակերպութիւնը հակառակ մեծ տարածքներ կորսնցնելուն, կը նախատեսէ սեփական դրամավարկային քաղաքականութիւն հաստատել:

Աղբիւրը կը նշէ, որ նոր օրէնքը ձայնային հաղորդագրութեան միջոցաւ տարածուած է «Տահէշ»ի նամակագրական հարթակներուն վրայ, ուր կ'ըսուի, թէ 25 յուլիսէն ետք վերջնականապէս կ'արգիլուի սուրիական 50 եւ 1000 դրամներու շրջանառութիւնը՝  Տահէշի տիրապետութեան տակ գտնուող շրջաններուն մէջ: