17.09c
Երեվան
չրք, ապր 29
Լիբանանի արդարդատութեան նախարար Զօր. Աշրաֆ Ռիֆի այսօր հրաժարական տուաւ: Այս մասին Ռիֆի յայտարարեց Twitter-եան գրառումով մը: Նշենք, որ Լիբանանի հիւսիսի մայրաքաղաք Թրիփոլի ծնունդ Ռիֆի անցնող 2015 տարուան փետրուարէն ի վեր կը վարէր երկրի արդարադատութեան նախարարի պաշտօնը, իսկ այս պաշտօնէն առաջ երկրի ներքին ապահովութեան ուժերու ընդհանուր հրամանատարի պաշտօնը: Լրատուական տարբեր աղբիւրներ կը հաղորդեն, որ Ռիֆիի հրաժարականը կապ ունի Միշէլ Սըմահայի խնդրին հետ: Նախկին տեղեկատուութեան նախարար Սըմահա կը մեղադրուի երկրին մէջ ահաբեկչական գործողութիւններ պատրաստելու ծանր մեղադրանքով եւ շուրջ 4 տարի բանտարկուած մնալէ ետք ազատ արձակուած էր: 14 Մարտի քաղաքական ուժեր կը պահանջեն Սըմահայի թղթածրարը զինուորական դատական ատեանէն փոխացնել արդարադատութեան պալատ, եւ Ռիֆիի հրաժարականը կը հնչէր, որովհետեւ վարչապետ Թամմամ Սալամի կառավարութիւնը չէ կարողացած այս խնդիրը քննարկել եւ հոգացում տալ արդարադատութեան նախարարի պահանջին:
