23.39c
Երեվան
երկ, օգս 03
Հայաստանի Հանրապետութեան արտաքին գործերու նախարարութիւնը մանրամասներ ներկայացուցած է Մոսկուայի մէջ ՀՀ ԱԳ նախարար Զոհրապ Մնացականեանի եւ ՌԴ ԱԳ նախարար Սերկէյ Լաւրովի հանդիպման վերաբերեալ: ՀՀ ԱԳՆ հաղորդագրութիւն տարածած է Հայաստանի եւ Ռուսիոյ արտաքին գործոց նախարարներու հանդիպման վերաբերեալ:
«Իբրեւ շարունակութիւն ՌԴ նախագահ Վլատիմիր Փութինի՝ Հայաստանի եւ Ազրպէյճանի ղեկավարներու հետ ունեցած հեռախօսազրոյցներուն եւ ԼՂ հակամարտութեան գօտիին վրայ ռազմական գործողութիւններու դադրեցման ուղղուած Ռուսիոյ միջնորդութեամբ տարուող աշխատանքներու՝ Հոկտեմբեր 21-ին, Մոսկուայի մէջ տեղի ունեցաւ ՀՀ ԱԳ նախարար Զոհրապ Մնացականեանի հանդիպումը ՌԴ ԱԳ նախարար Սերկէյ Լաւրովի հետ:
Հանդիպման ժամանակ օրակարգի վրայ էին ԼՂ համակարտութեան գօտիին վրայ իրադրութեան եւ կրակի դադրեցման համաձայնութիւններու կատարման հարցերը։
Բարձր գնահատելով Ռուսիոյ եւ նախագահ Փութինի անմիջական ջանքերը կրակի դադրեցման վերաբերեալ համաձայնութիւններու ձեռքբերման գործին մէջ` Նախարար Մնացականեան փաստեց, որ ձեռք բերուած համաձայնութիւնները կը մնան թուղթի վրայ Ատրպէյճանի ուխտադրուժ կեցուածքին եւ իրավիճակի ապակայունացման միտուած քայլերուն հետեւանքով։
Վերահաստատելով Հայաստանի հաւատարմութիւնը կրակի դադրեցման շուրջ 10 Հոկտեմբերի Մոսկովեան համատեղ յայտարարութեամբ եւ 17 Հոկտեմբերի յայտարարութեամբ ստանձնած յանձնառութիւններուն՝ նախարար Մնացականեան, իբրեւ առաջնահերթ նպատակ, ընդգծեց վաւերական մեքենականութիւններով պահպանուող կայուն հրադադարի հաստատումը»,- ըսուած է հաղորդագրութեան մէջ:
