15.18c
Երեվան
չրք, հլս 01
Իսրայէլեան «Haaretz» պարբերականը մանրամասն յօդուած մը հրապարակած է Իսրայէլ-Լիբանան հիւսիսային սահմանին վրայ տիրող ընդհանուր իրավիճակին վերաբերեալ:
Աղբիւրը անդրադարձած է յատկապէս վերջին օրերուն շրջանառութեան մէջ դրուած այն լուրերուն, ըստ որոնց «Հըզպալլա» յաջողած է գետնափոր ուղիներ բանալ, որոնք կը սկսին լիբանանեան սահմանէն եւ կը հասնին Իսրայէլի խորքը:
«Haaretz» նաեւ նշած է, որ իսրայէլեան բանակը աւելի վաղ յատուկ ջոկատ մը ուղարկած է Եւրոպա, որուն գլխաւոր նպատակն էր մարզումներ կատարել լեռնային շրջաններու մէջ, որպէսզի վերջիններս ծանօթանան, թէ ինչպէս պէտք է վարուիլ յայտնաբերուած գետնուղիներու պարագային:
Յիշեցնենք նաեւ, որ վերջին տուեալներուն համաձայն, իսրայէլեան բանակը մինչեւ այս պահը յաջողած է երեք գետնափոր ուղիներ բացայայտել եւ ըստ երեւոյթին նաեւ գործի դրած է «Հիւսիսի վահան» անունով գործողութիւն մը, որուն նպատակն է հիմնապէս քանդել «Հըզպալլա»ի կողմէ կառուցուած գետնափոր ուղիները:
Յայտնենք նաեւ, որ այս առումով «Հըզպալլա» ոչ մէկ մեկնաբանութիւն տուած է մինչեւ այս պահը:
