27.65c
Երեվան
շբթ, հլս 04
ՀՀ վարչապետ Կարէն Կարապետեան ամանորեայ ուղերձ յղած է, ուր ըսած է, որ կը ցանկայ, որ հայ ժողովուրդը նոր տարուայ տօներէն ետք առօրեայ կեանք վերադառնայ լաւատեսութեամբ տրամադրուած, աշխատանքային նոր եռանդով եւ մասնակից դառնայ երկրի ապագայի կառուցման։ Ինչպէս կը յայտնեն ՀՀ կառավարութեան լրատուական ծառայութենէն, ուղերձի մէջ ըսուած է.
«Սիրելի՛ հայրենակիցներ,
Այսօր այնպէս է ստացուել, որ ես լինելով ձեզանից մէկը՝ հնարաւորութիւն եւ պատիւ ունեմ շնորհաւորելու ձեր Նոր տարին եւ Սուրբ ծնունդը:
Սրտանց շնորհաւորում եւ ցանկանում եմ, որ իւրաքանչիւրիդ ընտանիքում լինի տաք, ջերմ, լուսաւոր ու սիրով լի:
Այս օրերին ձեր ընտանիքի անդամների, բարեկամների, ընկերների հետ հնարաւորութիւն կունենաք միմեանց բազմաթիւ լաւ խօսքեր, բարեմաղթանքներ ասելու, ձեր երեխաներին եւ թոռնիկներին գրկելու, ծնողներին մեծարելու: Ես յոյս ունեմ, որ միմեանց ասուած բոլոր ցանկութիւնները անպայմա՛ն կ'իրականանան:
Ցանկանում եմ նաեւ, որ նոր տարուայ տօներից յետոյ առօրեայ կեանք վերադառնաք լաւատեսութեամբ տրամադրուած, աշխատանքային նոր եռանդով, եւ մասնակից դառնաք մեր երկրի ապագայի կառուցմանը, այն ապագայի, որ մենք բոլորս երազում ենք:
