17.09c
Երեվան
հնգ, մյս 07
Թրքական մէկէ աւելի աղբիւրներ կը գրեն, որ Թուրքիոյ կառավարութիւնը մտադիր է վարձակալութեան հանել «Հայտարփաշա» կայարաննն ու անոր շուրջ եղող ընդհանուր տարածքը: Այս մասին տեղեկութիւնները բաւական մեծ աղմուկ բարձրացուցած են երկրին մէջ: Կը նշուի նաեւ, որ Պոլսոյ Գատըգէօյ շրջանի (որուն քաղաքապետութեան սահմաններու մէջ կը գտնուի «Հայտարպաշա» զբօսաշրջային եւ պատմական արժէք ներկացող կայարանը) քաղաքապետ՝ Այքուրթ Նուհօղլու ծանր քննադատութիւններ ուղղած է կայարանը վարձակալութեան հանելու մասին շշուկներ հնչեցողները: Ըստ Թուրքիոյ կառավարական բանբերի մը, պետութիւնը մտադիր այդ հատուածը , զբօսաշրջային նպատակներով սեփականացնել եւ ապա վարձու տալ: Յիշեցնենք, որ հայութեան համար եւս սեւ յիշողութիւններու խորհրդանիշ կը համարուի տխրահռչակ «Հայտափաշա»ն, ուրկէ հայ ժողովուրդի ամէնէն ակնառու մտաւորական դէմքերը 1915 թուականի ապրիլեան օրերուն տարուած էին դէպի աքսորի ու մահուան ճանապարհներ:
