20.74c
Երեվան
ուրբ, հլս 24
ՀՀ նախագահի նստավայրի դարպասները աւելի երկար բաց կը մնան այցելուներու համար: Այս մասին յայտնեցին ՀՀ նախագահի աշխատակազմի հասարակայնութեան հետ կապերու վարչութենէն։
1 Մայիսէն փոփոխուած են Հանրապետութեան նախագահի նստավայրի վարչական շէնքի յարակից տարածք քաղաքացիներու մուտքի ու այնտեղէն ելքի ժամերը:
Այսուհետեւ, նախագահի նստավայրի դարպասները հանրութեան համար աշխատանքային, ինչպէս նաեւ Շաբաթ օրերուն բաց կ՝ըլլան ժամը 18:00-22:00–ն, իսկ Կիրակի օրերուն՝ ժամը 12:00-22:00: Այդ ընթացքին այցելուները կրնան ազատօրէն մուտք գործել նստավայրի վարչական շէնքի բացօթեայ տարածք եւ յարակից այգի:
Պատուոյ պահակախումբի հերթափոխութիւնը, որ կ՝ուղեկցուի հանդիսաւոր արարողութեամբ, կը մնայ անփոփոխ եւ տեղի կ’ունենայ Շաբաթ օրերուն ժամը 18:00-ին, 19:00-ին եւ 20:00-ին, իսկ Կիրակի օրերուն՝ ժամը 12:00-ին, 13:00-ին եւ 14:00-ին:
