18.77c
Երեվան
հնգ, հլս 02
Հալէպի Սրբոց Քառասնից Մանկանց եկեղեցւոյ մէջ վերականգնողական աշխատանքներու աւարտէն ետք մարտ-ապրիլ ամիսներուն պիտի մատուցուի առաջին պատարագը: Այս մասին կը յայտնէ ria.ru-ն՝ մանրամասնելով, որ եկեղեցին պայթեցուած էր «Իսլամական պետութիւն» ահաբեկչական խմբաւորման կողմէն՝ 2015 ապրիլին: Յայտնի է, որ ահաբեկիչները պայթուցիկը տեղադրած էին հիմքի տակ գտնուող ստորգետնեայ թունելներուն մէջ:
Ճարտարապետ Կարպիս Թամասեանը պատմած է, որ իրականացուած աշխատանքի ծաւալը ահռելի եղած:
«Միջանցքը ամբողջովին փլած էր, ուստի՝ ստիպուած էինք այն նորէն կառուցել: Մենք օգտագործած ենք պահպանուած հին քարերը, հաւաքած ենք անոնք ու նորովի շարած: Այդ մէկը ամենաբարդն էր: Շինութեան մօտ 70%-ը փլատակներու վերածուած էր»,- նշած է Թամասեանը:
Յայտնի է, որ փոխուած են եկեղեցւոյ դուռերն ու պատուհանները, նոր նստարաններ տեղադրուած են: Ամբողջութեամբ վերականգնուած է եկեղեցւոյ ճակատային մասը, աւարտին կը մօտենան նաեւ յարդարման աշխատանքները:
Սրբոց Քառասնից Մանկանց եկեղեցւոյ վերականգնման աշխատանքները կ'իրականացուին Հալէպի հայ համայնքի անդամներու նուիրատւութիւններու շնորհիւ: Առնուազն 150 000 հաւատացեալ իր ներդրումը ունի եկեղեցւոյ վերականգնման գործին մէջ:
Առաջին պատարագը ծրագրուած է մատուցել մարտ-ապրիլ ամիսներուն:
