21.09c
Երեվան
հնգ, հկտ 08
Մէկէ աւելի լրատուական աղբիւրներ լուր տարածած են այն մասին, որ Ռուսական ուժեր կը պատրաստուին ուժեղ հարուած մը տալ եւ «ծունկի բերել» Հալէպի Արեւելեան շրջաններուն մէջ դիրքաւորուած ընդդիմադիրները: Այս մասին մասնաւորապէս գրած է բրիտանական «Թայմզ»ը, որ յղում ընելով Մեծն Բրիտանիոյ գաղտնի սպասարկութեան բարձր պաշտօնեայի մը ըսած է, թէ Ռուսիոյ նախագահը մտարիր է այդ ծանր հարուածը կատարել Ամերիկայի նախագահական ընտրութեանց օրը, այսինքն 8 նոյեմբերին: Աղբիւրը նաեւ նախատեսած է, որ հարուածին իր մասնակցութիւնը պիտի բերէ ռուսական «Քուզնեցով» օդանաւակիրը, որուն հզօրութեան մասին տարբեր հեղինակաւոր պարբերականներ տասնեակ նիւթեր հրապարակած են:
«Թայմզ» նաեւ չի թաքցներ, որ ռուսական ծանր հարուածին հետեւանքով հարիւրաւոր քաղաքացիներ զոհուին:
Այս բոլորին համընթաց ռուս մէկէ աւելի զինուորական վերլուծաբաններ կը հերքեն այս լուրերը եւ «Քուզնէցով»ի ու այլ մարտանաւերու «տաք ջուրերու»ն մէջ գտնուիլը՝ ռուսական զօրքերու բնականոն գործունէութեան կը վերագրեն:
