21.23c
Երեվան
շբթ, օգս 01
Յաղթանակի օրը տօն է, որ կը միաւորէ ամբողջ քաղաքակիրթ հասարակութիւնը: Այն կարեւոր է ոչ միայն ԱՊՀ եւ յետխորհրդային երկիրներու, այլ նաեւ ամբողջ աշխարհի բոլոր պետութիւններու համար: «Միր» հեռուստաալիքին տուած հարցազրոյցի ժամանակ այդ կարծիքը արտայայտած է Հայաստանի վարչապետ Նիկոլ Փաշինեանը:
Ան պատմած է, որ պապը՝ Նիկոլ Փաշինեանը, գացած է պատերազմ, երբ իր հայրն ընդամէնը մէկ տարեկան էր: Ընտանիքին մէջ պահպանուած են միայն քանի մը լուսանկարներ եւ փոքրաթիւ պատմութիւններ անոր մասին: Նիկոլ Փաշինեան աւագի մասին յայտնի է, որ ան 138 ջոկատի 554 հրաձգային գունդի սերժանտ էր:
Փաստաթուղթերէն մէկուն մէջ նշուած է, որ ան զոհուած է 1943 թուականի փետրուարին, այլ փաստաթուղթեր կը վկայեն, որ ան անհետ կորած է. վարկածներէն մէկով՝ Սթալինկրատի մէջ, միւսով՝ Ղրիմի:
«Ռազմաճակատին զոհուած, անհետ կորած իմ պապի քանի մը խամրած, հին լուսանկարներ. ահա այն ամէնը, ինչ մենք ունինք: Այն շատ արժէքաւոր յիշողութիւններ են մեր ամբողջ ընտանիքի համար: Ես յոյսով եմ, որ պատուով կը կրեմ պատերազմի մասնակից իմ պապի անունը»,-ընդգծած է վարչապետը:
Ան հաւելցուցած է, որ հայ հասարակութիւնը չի մոռանար Հայրենական մեծ պատերազմի հերոսները: Անոնց անունով կոչուած են մայրաքաղաքի գլխաւոր պողոտաները եւ գրեթէ բոլոր քաղաքներուն մէջ տեղադրուած են յուշարձաններ: Այդ ծիրէն ներս վարչապետը նշած է, որ 9 մայիսին, հակառակ «Քորոնա» ժահրի համաճարակին, երկրին մէջ կը կատարուին տօնական միջոցառումներ, պիտի կայանայ կործանիչներու շքերթ, իսկ 208 վեթերաններ պիտի ստանան պատուաւոր պարգեւավճարներ աւելի քան 600 տոլարի չափով:
«Մարդկային գիտակցութեան բարձրագոյն աստիճանը զոհուիլն է յանուն հայրենիքի, եւ Հայրենական մեծ պատերազմի հերոսներն ապացուցած են, որ հասած են այդ գիտակցական աստիճանին»,-ընդգծած է վարչապետը:
