17.09c
Երեվան
ուրբ, հկտ 02
2008 թվականին Արաբական Միացյալ Էմիրությունների կառավարության կողմից հիմնված FlyDubai ավիաընկերությունը ղեկավարող գործարար Ղայս ալ Ղայսն այսօր ընկերության՝ Դոնի Ռոստով քաղաքում կործանված օդանավի աղետի առթիվ իր ցավակցություններն է հայտնել զոհվածների հարազատներին, տեղեկացնում են արաբական ԶԼՄ-ները: Նա նշել է, որ ընկերության բոլոր անդամները ցնցված են տեղի ունեցած աղետից, որը նորաստեղծ ընկերության պատմության առաջին ավիավթարն է: Ղայս ալ Ղայսը նաև ասել է, որ դեռևս հայտնի չէ վթարի պատճառը, և որ ավիաընկերությունը օժանդակություն կտրամադրի զոհվածների հարազատներին:
FlyDubai ավիաընկերությունը, որի գլխավոր գրասենյակը գտնվում է Դուբայում, իրականացնում է ավելի քան 70 ուղղություններով չվերթեր՝ դեպի Մերձավոր Արևելք, Հնդկական թերակղզի, Աֆրիկա, Արևելյան Եվրոպա և Ռուսաստան: Ընկերության ավիապարկում կան բոլորովին նոր «Boeing 737-800 NG» օդանավեր:
Մարտի 19-ին վթարի ենթարկված Boeing 737-800 օդանավի բոլոր 55 ուղևորները և անձնակազմի 6 անդամները զոհվել են:
Մարտի 20-ը Դոնի Ռոստովում հայտարարվել է սգո օր:
