24.09c
Երեվան
կրկ, հնս 01
Գերմանիա կատարած աշխատանքային այցի շրջանակում ՀՀ սփյուռքի գործերի գլխավոր հանձնակատար Զարեհ Սինանյանը Բեռլինում՝ ՀՀ դեսպանատանը, հանդիպել է հայ երիտասարդների հետ։
Հանդիպման ընթացքում Սինանյանը ներկայացրել է Գրասենյակի կողմից իրականացվող ծրագրերը, դրանցում ներգրավվելու պայմանները և պատասխանել երիտասարդների հարցերին։
Իր խոսքում սփյուռքի գործերի գլխավոր հանձնակատարը կարևորել է Գերմանիայում բնակվող հայ երիտասարդների մասնակցությունն այս տարվա օգոստոսի 5-7-ը Երևանում կայանալիք Ազգային երիտասարդական համաժողովին և հրավիրել նրանց Հայաստան։
Նույն օրը դեսպան Վիկտոր Ենգիբարյանի հետ Զարեհ Սինանյանն այցելել է Գերմանիայի Պոտսդամ քաղաքում գտնվող գերմանացի հրապարակախոս Յոհաննես Լեփսիուսի տուն-թանգարան, որի գործունեությունը նվիրված է Օսմանյան կայսրությունում իրականացված Հայոց ցեղասպանությանը և 1900-ական թվականներին Գերմանիայում ձևավորված հայանպաստ մարդասիրական շարժման պատմությանը։
